കടുത്തുരുത്തി: കടുത്തുരുത്തിയുടെ മുന് എംഎല്എ പ്രഫ. ഒ. ലൂക്കോസിന്റെ നാമധേയത്തിലുള്ള പ്രഫ. ഒ. ലൂക്കോസ് എക്സ് എംഎല്എ ചാരിറ്റബിള് സൊസൈറ്റിയുടെ നേതൃത്വത്തില് മന്ത്രി മോന്സ് ജോസഫിന് ആദരവും സ്വീകരണവും നല്കി. കടുത്തുരുത്തി എംഎല്എ ഓഫീസില് നടന്ന യോഗത്തില് ഒ. ലൂക്കോസിന്റെ ഭാര്യ ഏലമ്മ ലൂക്കോസ്, മകന് രാജു ലൂക്കോസ് എന്നിവര് ചേര്ന്ന് മന്ത്രിയെ പൊന്നാട അണിയിച്ചു.
സ്വീകരണ സമ്മേളനത്തിന്റെ ഉദ്ഘാടനം കേരള കോണ്ഗ്രസ് വൈസ് പ്രസിഡന്റ് ഇ.ജെ. അഗസ്തി നിര്വഹിച്ചു. സൊസൈറ്റി പ്രസിഡന്റ് സ്റ്റീഫന് പാറാവേലില് അധ്യക്ഷത വഹിച്ച യോഗത്തില് കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് തങ്കമ്മ വര്ഗീസ്, ഉഴവൂര് ബ്ലോക്ക് പഞ്ചായത്ത് വൈസ് പ്രസിഡന്റ് മാഞ്ഞൂര് മോഹന്കുമാര്, തോമസ് കണ്ണന്തറ, ജോസ്മോന് മാളിയേക്കല്, സൊസൈറ്റി ഭാരവാഹികളായ മനോജ് ജോസഫ്, ജേക്കബ് വര്ക്കി എന്നിവര് പ്രസംഗിച്ചു.
മന്ത്രി മോന്സ് ജോസഫ് മറുപടി പ്രസംഗം നടത്തി. കടുത്തുരുത്തിയുടെ വികസനത്തിലും സാമൂഹിക മുന്നേറ്റത്തിലും പ്രഫ. ഒ. ലൂക്കോസ് നല്കിയ സംഭാവനകള് എക്കാലവും സ്മരിക്കപ്പെടുമെന്നും അദ്ദേഹത്തിന്റെ സ്മരണ നിലനിര്ത്തിക്കൊണ്ട് പ്രവര്ത്തിക്കുന്ന ചാരിറ്റബിള് സൊസൈറ്റിയുടെ ജീവകാരുണ്യ പ്രവര്ത്തനങ്ങള്ക്ക് എല്ലാവിധ പിന്തുണയും നല്കുമെന്നും മന്ത്രി അറിയിച്ചു.
Deepika
E-paper LOGIN
LOGIN
